مسيت بالخير ياشفي ويا ذوقي **** يامكسبي فالغرام ومصدر أشواقي
القلب هومنزلك ودروبك عروقي **** في كل عرقٍ لرجلك موقع تلاقي
وان ضقت من قلبي أطلع منه الموقي**** يعني مكانك مابين "القلب وأحداقي
يالذة العشق ياطبي ويا عوقي**** ياوردةٍ ماغفل عن ريها الساقي
ومن يوم لقياك يمك مابرد شوقي**** ولاتهاونت في عهدي وميثاقي
يمبيك عن شوقي اسلوبي ومنطوقي**** وأكبر الادله لاشفتك زانت أخلاقي
هاك أكبر حقوقك وهات أصغر حقوقي**** لاكنك احذر تخيب هقوة الهاقي
يتل "قلــبي" على طاريك معلوقي**** وأفــز له وأرتكز على عظم ساقي
وأختار جزل الغزل وأجر طاروقي**** ورجّع الذاكره وارتب أوراقي
واقول محد(ن) من العشاق من فوقي**** دامك معي ياسفيرالمستوى الراقي
هذا وأنا يكفي من رعودي بروقي **** ياحظي امن الغرام وقسمي الباقي
مادمت بين العذارى صرت معشوقي**** أرحب علي الحرام انها من أعماقي
يلعب لك القلب من فني وطاروقي**** العب له أحلا طروقك وأترك الباقي
اغاني قطرية -> عيسى الكبيسي -> مسيت بالخير 2018 
آخر تحديث : 30 سبتمبر 2018
عدد الزيارات : 11287
ملخص
الأغاني (47)
الألبومات (2)